នាព្រឹកថ្ងៃអង្គារ ១១រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១១ ខែតុលា ឆ្នាំ២០២៣ លោកឧកញ៉ា សុខ ហុង អគ្គនាយកក្រុមហ៊ុនអេច អេស ស៊ី គ្រុប និងក្រុមគ្រួសារ ព្រមទាំងបុគ្គលិក អេច អេស ស៊ី គ្រុបជាច្រើននាក់ បានអញ្ជើញចូលរួមក្នុងពិធីកាន់បិណ្ឌវេន១១ នៅវត្តមុនីសុវណ្ណ (ហៅវត្តចំពុះក្អែក) ដោយបានរួមគ្នាបូជា ទៀន ធូប ផ្កាភ្ញី និងគ្រឿងសក្ការៈដ៏ឧត្តមខ្ពង់ខ្ពស់ថ្វាយព្រះរតនត្រ័យ ព្រះពុទ្ធ ព្រះធម៌ និងព្រះសង្ឃ ហើយក៏ដូចជាបានអញ្ជើញប្រារព្ធពិធីរាប់បាត្រ វេរប្រគេនចង្ហាន់ រួមទាំងទេយ្យទានមួយចំនួនដែលក្នុងនោះរួមមាន គ្រឿងឧបភោគបរិភោគ តែបៃតង Oishi ភេសជ្ជៈC-vitt, M-150, 100PLUS និងទឹកបរិសុទ្ធ Crystal Water ព្រមទាំងបច្ច័យមួយចំនួនផងដែរ ប្រគេនសម្តេចព្រះពោធិ៍វង្ស អំ លឹមហេង ព្រះសង្ឃនាយករងទី១ និងព្រះសង្ឃ ២០០អង្គដែលគង់ចាំព្រះវស្សាក្នុងវត្តចំពុះក្អែក។
សូមជូនបុណ្យកុសលដ៏ថ្លៃថ្លានេះ កើតមានដល់បុគ្គលិក ដៃគូអាជីវកម្ម អតិថិជនរបស់ អេច អេស ស៊ី គ្រុប ក៏ដូចជាប្រជាពលរដ្ឋខ្មែរទាំងអស់ បានសមប្រកបតែសេចក្តីសុខ សេចក្តីចម្រើនគ្រប់ប្រការ និងពុទ្ធពរទាំង ៥ប្រការគឺ អាយុ វណ្ណៈ សុខៈ ពលៈ និងបដិភាណៈកុំបីឃ្លៀងឃ្លាតឡើយ។
សូមអនុមោទនា!
